LUNGSOD KO... PAGKAALAUT MO...
Kubkob Didto, Kubkob Diri, Naunsa Ba Kini;
Bungtod Napatag Ug Gitumpag, Sapa Nagusbat;
Nagkabulingit, Nagkalapok, Simud Nasukamod;
Lungsod Ko… Pagkaalaut Mo…
Mga Anak Nagkatibulaag, Nangabihag;
Sa Droga Nagpasagad, Kay Kuno Sikat;
Mga Kabataan Gipahimoslan;
Ang Uban Hapit Na Mga Buang;
Kaugmaon Gitabonan, Gikunitkunit;
Sa Droga Nga Pinasagdan, Ambot Lang;
Lungsod Ko...Pagkaalaut Mo…
Naunsa Naman Kining Lungsod Ni Juan;
Nagkamoritsing Kining Yutang Natawhan;
Mga Mayokmok Niining Maot Nga Katilingban;
Nagpadayon Nga Giyatakan, Gisikaran;
Gilugos Ug Gi-among Amongan;
Lungsod Ko... Pagkaalaut Mo...
No comments:
Post a Comment